Varasamt er að geyma brennanlegt rusl og sorptunnur nærri byggingum vegna íkveikjuhættu.
Gerðar hafa verið prófanir á brunaeiginleikum sorptunna úr plasti. Niðurstöður prófana leiddu til þess að settar voru reglur um staðsetningu þeirra. Miðað er við 240 kg. ílát (polyethylen).
Ef ekki er hægt að uppfylla öryggisfjarlægðir má nota skýli eins og áður er lýst.
Bannað er að nota sorpílát úr plasti inni í byggingum nema í sorpgeymslum sem uppfylla kröfur 84. gr. byggingarreglugerðar.
Eldur í sinu getur kveikt í byggingum, girðingum, vörustæðum og fleiru úr brennanlegum efnum. Neisti frá sinubruna getur orsakað sprengingu á svæðum þar sem búast má við eldfimum gufum, til að mynda bensínstöðvum, olíubyrgðastöðvum og vinnustöðum þar sem unnið er með eldfim efni.
Til að koma í veg fyrir slíka bruna þarf að slá grasið niður í svörð á haustin.
Það fer eftir áhættunni hversu mikið þarf að slá og fjarlægja.
1992 nr. 61 1. júní
Lagasafn. Uppfært til febrúar 2001. Útgáfa 126a.
1. gr. Óheimilt er að brenna sinu nema á jörðum sem eru í ábúð eða nýttar af ábúendum lögbýla og þá samkvæmt leyfi sýslumanns og að fylgt sé ákvæðum í reglugerð, sbr. 4.
2. gr. Aldrei má brenna sinu þar sem almannahætta stafar af eða tjón getur hlotist af á náttúruminjum, fuglalífi, mosa, lyng- eða trjágróðri og mannvirkjum.
6. gr. Sá sem veldur tjóni með sinubrennu eða meðferð elds á víðavangi þannig að saknæmt sé ber fébótaábyrgð á því tjóni sem af hlýst.
8. gr. Brot gegn ákvæðum laga þessara varða sektum.
Þótt lögin banni sinubrennur, sbr. 2. gr. hafa þau ekki komið í veg fyrir íkveikjur sem oftast eru raktar til barna og unglinga sem hafa trúlega ekki hugmynd um tilvist laganna.
Sprengiefni, þar með talið skotelda á að geyma í sjálfstæðu brunahólfi.
Ef um verulegt magn er að ræða á geymslan að vera í sjálfstæðri byggingu á lóð og skulu fjarlægðir frá nálægum áhættum vera í samræmi við magn sprengiefnisins.
Athugið: Ávallt skal fara fram áhættumat á geymslum fyrir sprengiefni, þar með talið skotelda.
Sprautuklefar þar sem unnið er með eldfima grunna og lökk, skulu vera sjálfstæð brunahólf. Viðunandi loftræsting beint út á að vera í klefunum. Lampar skulu vera neistafríir og rafmótor loftpressu sprengiþéttur. Ekki má nota gólfefni sem geta myndað neista.
Hleðsla á rafdrifnum forklyfturum og sambærilegum tækjum á að fara fram í sérstöku herbergi afmörkuð með EI60 byggingarhlutum og EICS30 hurð. Loftræsa á herbergið á fullnægjandi hátt meðan á hleðslu stendur vegna vetnis sem myndast við hleðslu rafgeyma. Loftræsimótor skal staðsetja utan herbergis og stokks.
Þar sem unnið er með gastæki skal merkja staðsetningu þeirra með gasmerki utandyra.
Suðuvinna eykur hættu á bruna. Rýmdu svæðið og hafðu slökkvitæki á staðnum. Nauðsynlegar varúðarráðstafanir eru undir þér komnar.
Gasflöskur á verkstæðum skulu geymdar á vögnum nærri merktum útidyrum.
Gashylki eiga það til að springa í eldsvoða og eru því hættuleg.
Þar sem unnið er með gas eða efni sem skapa eldfimar gufur, þurfa verkfæri, húsbúnaður og gólfefni að vera úr neistafríum efnum.
Það getur orðið sprenging ef til að mynda F- gas lekur út því það þarf ekki nema neista til dæmis frá tengli eða rafmótor til að í því kvikni, verður þá mikil hita- og þrýstingsaukning í rýminu.
Athugið: Það er nauðsynlegt að hafa gasskynjara þar sem gas er geymt/notað.
